مسلم لیگ ن نے انتتخابی حلقہ بندیوں کو چیلنج کرنے کا اعلان کردیا

مسلم لیگ نے انتخابی حلقہ بندیوں پر تحفظات کا اظہار کرتے ہوئے عدالتوں میں چیلنج کرنے کا اعلان کیا ہے۔

مسلم لیگ ن کے سینئر رہنما خواجہ سعد رفیق نے لاہور میں پریس کانفرنس کے دوران کہا کہ نئی حلقہ بندیوں سے ہم مطمئن نہیں، شہباز شریف کا حلقہ بھی نئی حلقہ بندیوں میں متاثر ہوا ہے، حلقہ بندیوں پرہمارےتحفظات ہیں،عدالت جارہےہیں۔

سعد رفیق نے کہا کہ تمام جماعتیں الیکشن لڑرہی ہیں،ہم سب کی بات سن رہے ہیں،کوشش ہے میدان میں بہترین امیدوار اتاریں تاکہ کامیابی ملے،لیول پلیئنگ فیلڈ کا طعنہ عجیب ہے،ہمارے حلقے متاثر ہوگئے ہیں،الیکشن شیڈول آنے کے بعد انتخابی سرگرمیوں میں تیزی آئےگی، نئی حلقہ بندیوں سے کئی حلقے تقسیم ہوئے ہیں۔

خواجہ سعد رفیق نے کہا کہ تمام سیاسی جماعتیں 8 فروری کو ہی الیکشن کا انعقاد چاہتی ہیں،منتخب نمائندے ہی پاکستان کی معیشت کو بہترکرسکتے ہیں،کچھ لوگوں نے شوشے بھی چھوڑے ہیں ،الیکشن 8 فروری کو ہی ہونے چاہئیں،الیکشن کرانےمیں ایک گھنٹےکی بھی تاخیرنہیں ہونی چاہئے،اپنے حلقے کےحوالےسےالیکشن کمیشن گیا مگربات نہیں سنی گئی،جس وقت الیکشن کے شیڈول کا اعلان ہوجائےگاتوالیکشن کا ماحول بنےگا،شہبازشریف کا حلقہ بھی نئی حلقہ بندی سے متاثر ہوا۔

خواجہ سعد رفیق نے کہا کہ نئی حلقہ بندیوں سے ہم مطمئن نہیں،حلقہ بندیوں پرہمارےتحفظات ہیں،عدالت جارہےہیں۔

طلبہ تنظیموں کی بحالی سے متعلق سعد رفیق نے کہا کہ طلبا تنظیموں کی مشروط بحالی کے حق میں ہیں،ابھی حلقہ بندیوں کے مسائل چل رہے ہیں،سینیٹ کےالیکشن مارچ میں ہیں اس لئے تاخیرنہیں ہوسکتی، پاکستان جن مشکلات سے گزررہا ہے یہ عارضی  ریلیف ہے،جب تک نئی حکومت نہیں آئےگی ملکی معیشت بہتر نہیں ہوسکےگی،منتخب حکومت آتی ہے تو عالمی ادارے بھی اسے سنجیدہ لیتے ہیں،

نو مئی کے حوالے سے سعدر رفیق نے کہا کہ ہم نے تو کسی کو نہیں کہاتھا کہ 9 مئی کا واقعہ کریں،9مئی کےبعدجوصورتحال پیداہوئی یہ ہم نےتونہیں بنائی،عمران خاننے سیاسی برادری سے تعلق نہیں بنایا،انہوں نے کسی گھر اور جماعت کو نہیں چھوڑا جو آج عمران خان سے ہمدردی کرے،انوکھالاڈلہ کہتاتھاہمیں کسی سےبات نہیں کرنی،عمران خان اپنے وقت کے فرعون تھے،اب وہ اپنے کیے پر پھنسےہیں۔

سعد رفیق نے کہا کہ نوازشریف کےبغیرہم نےبھی 3الیکشن لڑے ہیں،پی ٹی آئی کے لوگوں کو کہتا ہوں وہ الیکشن لڑیں،پی ٹی آئی کوالیکشن لڑناچاہئےبائیکاٹ نہیں کرناچاہئے،نہیں چاہتے کوئی بھی جماعت انتخابی عمل سے باہر ہو۔