نارتھ کراچی: بچوں سمیت خودسوزی کرنے والے عارف کا 3 سالہ بیٹا بھی دم توڑ گیا

نارتھ کراچی میں خودسوزی کرنے ولے عارف کے بعد اس کا تین سالہ بچہ بھی دم توڑ گیا۔

3 سالہ غلام حسین زخموں کی تاب نہ لاتے ہوئے رات گئے انتقال کر گیا، ڈاکٹرز کے مطابق بچہ 70 فیصد تک جھلس گیا تھا، جسے گزشتہ دو روز تک طبی امداد فراہم کی جاتی رہی تاہم وہ جانبر نہ ہو سکا۔

جھلسنے والے باقی دونوں بچوں کی حالت بھی انتہائی تشویشناک ہے، دونوں بچے وینٹیلیٹر پرہیں، اسپتال انتظامیہ کے مطابق بچوں کے اہلخانہ میں سے صرف ایک رشتہ دار رابطہ میں ہے،اسے رات گئے بچے کے انتقال کی  اطلاع دے دی تھی جس پر وہ آ کر بچے کی باڈی لے گئے۔

خود سوزی کرنے والا بچوں کا والد عارف گزشتہ روز زخموں کی تاب نہ لاتے ہوئے چل بسا تھا۔