ذکا اشرف کی ممکنہ برطرفی، سیکرٹری سٹیبلشمنٹ ڈویژن سے اگلے ہفتے جواب طلب

لاہور ہائیکورٹ  نے  پاکستان کرکٹ بورڈ  کے چئیرمین  مینجمنٹ کمیٹی ذکاء اشرف کی  ممکنہ برطرفی کے خلاف درخواست پر  وفاقی حکومت اور سیکرٹری کابینہ ڈویژن سے آیندہ ہفتے جواب طلب کرلیا۔

لاہور ہائیکورٹ کے جسٹس چودھری اقبال نے ممکنہ برطرفی کی درخواست پر سماعت کی جس میں ممکنہ طرفی کا خدشہ ظاہر کیا گیا۔

وفاقی حکومت کے وکیل نے بتایا کہ معاملہ ابھی صرف کابینہ ڈویژن کے پاس گیا ہے اور محض سمری کو چیلنج کر دیا گیا ہے۔

وفاقی حکومت کے وکیل نے استدعا کی کہ کہ اسی نوعیت کا معاملہ  جسٹس شاہد کریم کے روبرو زیر سماعت ہے، اس لیے اسے بھی اُسی بنچ کو بجھوا دیا جائے۔

عدالت نے  درخواست  مزید کارروائی کیلئے جسٹس شاہد کریم کو بجھوا دی اور ساتھ ہی درخواست پر تحریری جواب داخل کرانے کی ہدایت کر دی۔