یوٹیلٹی سٹورز پر گھی اور کوکنگ آئل کی قیمت میں کمی

یوٹیلٹی سٹورز کارپوریشن نے مختلف برانڈز کے گھی اور کوکنگ آئل کی قیمتوں میں شاندار کمی کر دی ہے ۔جس کا اطلاق فوری طور پر کر دیا گیا ہے۔

یوٹیلیٹی سٹورز کارپوریشن کے ترجمان کے مطابق یوٹیلیٹی سٹورز کارپوریشن نے عوام کی سہولت کیلئے مختلف برانڈز کے گھی اور کوکنگ آئل کی قیمتوں میں کمی کر دی ہے،جسکا باقاعدہ نوٹیفکیشن بھی جاری کر دیا گیا ہے۔

نوٹیفکیشن کے مطابق برانڈڈ گھی کی قیمت میں 69 روپے فی کلو کی کمی کی گئی ہے۔
جبکہ کوکنگ آئل کی قیمتوں میں بھی 18 روپے سے لیکر 76 روپے فی لیٹر کمی کی گئی ہے۔

واضح رہے کہ یوٹیلیٹی سٹورز کارپوریشن پانچ بنیادی اشیاء پر وفاقی حکومت کی خصوصی سبسڈی بھی فراہم کر رہی ہے