بجلی کے بلوں میں ریلیف؟ فیصلہ واشنگٹن میں ہوگا، تحریری پلان طلب

وزارت خزانہ کی جانب سے بجلی بلوں میں ریلیف کا پلان آئی ایم ایف سے آج شئیر کئے جانے کا امکان  ہے۔ذرائع کا کہنا ہے کہ نگران وزیر خزانہ ڈاکٹر شمشاد اختر نے بجلی کے بلوں میں ریلیف کیلئے آئی ایم ایف سے بات چیت کیلئے وقت مانگ لیا ہے۔

نگران وزیر خزانہ ڈاکٹر شمشاد اختر نے آئی ایم ایف کی نمائندہ ایسٹر پریز کو بجلی کے بلوں میں اضافے کے بعد کی صورتحال سے آگاہ کیا۔

ذرائع کا کہنا ہے کہ ریلیف کیلئے تحریری پلان وزارت خزانہ آئی ایم ایف کو واشنگٹن بھیجا جائے گا،آئی ایم ایف نے بجلی کے بلوں میں ریلیف کیلئے وزارت خزانہ سے بریفنگ لی۔

ذرائع کا کہنا ہے کہ  آئی ایم ایف نے بجلی کے بلوں میں ریلیف کیلئے تحریری پلان طلب کیا،آج شام کو آئی ایم ایف کو تحریری پلان بھیجے جانے کا امکان ہے۔