کراچی آرٹس کونسل میں حامد علی خان کے ساتھ نشست خاص

آرٹس کونسل آف پاکستان کراچی کی جانب سے پاکستان کے نامور کلاسیکل گلوکار استاد حامد علی خان کے ساتھ ”نشستِ خاص“ کا انعقاد کیاگیا،صدر آرٹس کونسل محمد احمد شاہ نے کلاسیکل موسیقی کے دلدادہ افراد کی بڑی تعداد سمیت استاد حامد علی خان کا استقبال کیا.

نشست خاص میں استاد حامد علی خان نے امجد اسلام امجد کے کلام سمیت مختلف کلاسیکل راگ اور غزلیں سناکر حاضرین سے بھرپور داد سمیٹی۔ انہیں سننے کے لیے کلاسیکل موسیقی کے شوقین افراد کی بڑی تعداد نے نشست خاص میں شرکت کی.

اس موقع پر صدر آرٹس کونسل محمد احمد شاہ نے کہاکہ استاد حامد علی خان آج ہمارے ساتھ موجود ہیں، یہ ہمارے لیے فخر کی بات ہے، ایک زمانے میں ہم ہر مہینے بیٹھک کیا کرتے تھے، اس سلسلے کو ہم نے نشست خاص کے نام سے دوبارہ شروع کیا ہے، ہر مہینے خالص میوزک کے مختلف گلوکاروں کے ساتھ پرفارمنس کریں گے۔

احمد شاہ نے کہا کہ نشست خاص کی شروعات ہم پٹیالہ گھرانے کے چشم و چراغ ،غزل، ٹھمری اور گیت میں آخری بڑا نام استاد حامد علی خان سے کرنا چاہتے تھے۔

کلاسیکل گلوکار استاد حامد علی خان نے اظہارِ خیال کرتے ہوئے کہاکہ عوام کلاسیکی موسیقی کو سننا چاہتی ہے،اس قسم کی محفلیں منعقد ہونا چاہیئے