ملکی تاریخ کی سب سے طویل مال بردار ٹرین، ریکارڈ وزن کے ساتھ چلانے کا کامیاب آپریشن

پاکستان ریلویز  نے ایک اور  اہم سنگ میل عبور کر لیا،پاکستان کی تاریخ میں سب سے لمبی اور سب سے بھاری مال بردار ٹرین کا پہلا مشن کامیاب ہوگیا،ٹرین کراچی پپری یارڈ سے کوٹری کے درمیان چلائی گئی۔

ریلوے انتظامیہ کے مطابق ایک کلومیٹر 2500 فٹ سے زیادہ لمبی مال بردار ٹرین چلا کر ریکارڈ قائم کر دیا گیا،مال بردار ٹرین 50 ہاپر ویگنوں میں 3000 ٹن پے لوڈ کے ساتھ چلائی گئی،مال بردار ٹرین کا وزن 4132 ٹن ہے۔

پاکستان ریلویز کے واحد طاقتورجی یو ای 40 لوکوموٹیو 4563 ہارس پاور جی ای یو 40 کے ساتھ چلایا گیا،پاکستان ریلوے کے پاس طاقتور انجن 53  جی یو ای لوکوموٹیو بڑا بیڑا موجود ہے

ریلوے کی تاریخ کی سب سے لمبی مال بردار ٹرین ہیڈ اور ٹیل اینڈ پر صرف تین افراد کے عملے کے ذریعے چلائی گئی،پیپری یارڈ سے کوٹری جنکشن تک 127 کلومیٹر کے فاصلے میں ٹرین 60 کلومیٹر فی گھنٹہ سے زیادہ کی رفتار پر چلائی گئی،آزمائشی ٹرین سے اضافی بوجھ ہٹانے کے بعد ٹرین اپنی منزل کے لیے روانہ ہو گئی۔

ریلوے انتظامیہ کا کہنا ہے کہ پاکستان ریلوے حکومت کی طرف سے نافذ کردہ ایکسل لوڈ کی حد کے بعد مال بردار آپریشن کی تیاری کر رہا ہے۔ بندرگاہ سے اندرون ملک کارگو کی مانگ بڑھنے سے محکمہ ریلوے مال بردار آپریشن میں اضافے کے لیے رولنگ سٹاک تیار کررہاہے۔