ٹی از فنٹاسٹک، آپریشن سوئفٹ ریٹارٹ کے 5 سال مکمل، دشمن آج بھی تاریخی ہزیمت نہیں بھولا

27 فروری کا دن ملکی تاریخ کا اہم دن،آپریشن سوئفٹ ریٹارٹ کو پانچ سال مکمل ہو گئے،اس دن بھارتی حارجیت کا منہ توڑ جواب دیتے ہوئے 2 بھارتی طیارے مار گرائے گئے اور دشمن کے پائلٹ ابھی نیندن کو گرفتار کیا گیا۔

پاک فوج اورفضائیہ کے شاہینوں نے دشمن کے عزائم خاک میں ملائے، یہ دن دنیا کو آج بھی یاد ہےجب ہمارے شاہینوں نے دشمن پر اپنی دھاک بٹھا دی۔

27فروری 2019 کو بھارتی دراندازی کا پاک فضائیہ نے تاریخ ساز دفاع کیا۔ پاک فضائیہ کے دشمن کومنہ توڑ جواب کو "آپریشن سوئفٹ ریٹورٹ” کا نام دیا گیا۔پاک فضائیہ کے شاہینوں نے دشمن کو منہ توڑ جواب دیا ۔مختصر فضائی جھڑپ کے دوران 2 بھارتی طیارے مارگرائے،جوابی کاروائی کے دوران پائلٹ ابھی نندن ورتھامن کو زندہ گرفتار کیا گیا۔

"آپریشن سوئفٹ ریٹورٹ” کے ہیروز ونگ کمانڈرنعمان علی، پائلٹ حسن صدیقی کو پاکستانی ہمیشہ رکھیں گے۔

ابھی نیندن کا مگ 21 طیارہ سماہمنی سیکٹر کے گاؤں ہوڑا اور سندوڑہ میں گرا۔دوسرے طیارے ایس او 30 کا ملبہ مقبوضہ کشمیر میں گرا ۔

بھارتی پائلٹ کو گرفتارکرنے والے کیپٹن عرفان نے ابھی نندن کو مشتعل شہریوں سے بچا کرطبی امداد دی۔ اورفنٹاسٹک چائے پلائی۔ چائے پیتے ابھینندن نے کہا تھا، ٹی از فنٹاسٹک۔

سوشل میڈیا پرٹی ازفنٹاسٹک کا ہیش ٹیگ 36 گھنٹے زیرِ گردش رہا،پاک فوج کی روایت کے مطابق دشمن کے پائلٹ کا خیال رکھا اور60 گھنٹے میں اسے رہا کردیا گیا۔

کیپٹن عرفان جو کہ اب میجر بن چکے ہیں نےاپنی ٹیم کے ہمراہ ابھی نیندن کی گرفتاری اور شہریوں سے بچانے سے متعلق بتایا کہ سماہنی سیکٹر کے رہائشی پاکستانی شہری ابھی نیندن کو مار رہے تھے،ساتھ ساتھ پاکستان زندہ باد کے نعرےلگارہے تھے۔۔ اگر وہ بروقت نہ پہنچتے تو شاید مشتعل شہری ابھی نندن کا کام تمام کردیتے۔

مودی سرکار کے 14 فروری کے پلوامہ خود کش حملے کے ڈرامہ سے کشیدگی کا آغاز ہوا تھا جس میں 40 بھارتی فوجی ہلاک ہوئے۔ بھارت نے ڈرامائی پس منظر بنا کر 26 فروری کو جعلی سرجیکل سٹرائیک کی۔ جس کا پاکستان نے 27 فروری کو بھر پور جواب دے کر دشمن سبق سکھایا۔