خیبرپختونخوا اسمبلی نے یوم تکبیر کی چھٹی مسترد کردی، کل اسمبلی اجلاس ہوگا

خیبرپختونخوا اسمبلی نے وفاق کی جانب سے 28 مئی یوم تکبیر کی سرکاری چھٹی کا فیصلہ مسترد کر دیا، خیبر پختونخوا اسمبلی نے سرکاری تعطیلات کے دنوں میں بھی بجٹ اجلاس جاری رکھنے کی منظوری دے دی۔

خیبر پختونخوا اسمبلی کے اجلاس کے دوران وفاق کی جانب سے 28 مئی یوم تکبیر کی سرکاری چھٹی کا فیصلہ مسترد کر دیا گیا، صوبائی وزیر خزانہ و قانون آفتاب عالم نے قرارداد پیش کی جس میں کہا گیا کہ خیبر پختونخوا اسمبلی کل 28 مئی کی سرکاری چھٹی سمیت ہفتہ اور اتوار کی سرکاری تعطیلات میں بھی بجٹ اجلاس جاری رکھے گی جسے ایوان نے متفقہ طور پر منظور کر لیا گیا، بجٹ اجلاس کل 28 مئی کی سرکاری چھٹی سمیت ہفتہ اتوار کو بھی جاری رہے گا، بعدازاں صوبائی اسمبلی کا اجلاس کل دوپہر 2 بجے تک ملتوی کر دیا گیا۔