سندھ ہائیکورٹ نے ہزاروں ملازمین ریگولر کرنے کی 48 درخواستیں مسترد کردیں

سندھ ہائیکورٹ نے ہزاروں ملازمین کو ریگولرائز کرنے کے متعلق 48درخواستیں مسترد  کر دیں، فیصلہ جسٹس یوسف علی سعید کی سربراہی میں تین رکنی فل بینچ نے کیا۔

درخواست دائر کرنیوالوں میں سوئی سدرن گیس کمپنی کے 3350ملازمین بھی شامل  ہیں۔

پیپلز لیبر یونین کا کہنا ہے کہ فیصلے کو سپریم کورٹ آف پاکستان میں چیلنج کرینگے۔

درخواست گزاروں کے وکیل شعاع النبی ایڈووکیٹ نے کہا کہ 2018میں عدالت نے 500سے زائد ملازمین کو ریگولرائز کیا تھا،اسی فیصلے کے بنیاد پر یہ درخواستیں دائر کی گئی تھیں۔

شعاع النبی ایڈووکیٹ نے کہا کہ پہلے کیے گئے فیصلے بعد کے مقدمات کے لیے نظیر بنتے ہیں ،لیکن اس فیصلے میں انحراف کیا گیا۔