پنجاب، سندھ،خیبر پختونخوا کے کئی علاقوں میں تیز آندھی، گرج چمک کے ساتھ بارش کی پیشگوئی

محکمہ موسمیات نے پنجاب اور خیبرپختونخوا کے کئی علاقوں میں تیز آندھی اور گرج چمک کے ساتھ بارش کی پیشگوئی کی ہے، جبکہ پالائی اور جنوبی پنجاب میں کچھ مقامات پر ژالہ باری کی توقع ہے۔

محکمہ موسمیات کے مطابق اسلام آباد میں مطلع جز وی ابر آلود رہنے آندھی جھکڑ چلنے اور گرج چمک کے ساتھ بارش کا امکان ہے،بعض مقامات پر ژالہ باری کی بھی توقع ہے۔

محکمہ موسمیات کا کہنا ہے کہ خیبرپختونخوا میں دیر، سوات،  چترال، کوہستان، مانسہرہ، ایبٹ آباد، ہری پور،پشاور، چارسدہ میں آندھی جھکڑ چلنےاور گرج چمک کے ساتھ بارش کا امکان ہے، نوشہرہ، صوابی، مردان، باجوڑ، کرم، وزیرستان، کوہاٹ،بنوں، ٹانک، کرک اور ڈیرہ اسماعیل خان میں آندھی جھکڑ چلنےاور گرج چمک کے ساتھ بارش کا امکان ہے

محکمہ موسمیات کا کہنا ہے کہ پنجاب میں بھکر،میانوالی، ڈی جی خان، ملتان، سرگودھا، جوہرآباد، خوشاب،بہاولپور میں آندھی جھکڑ چلنے اور گرج چمک کے ساتھ بارش کی توقع ہے، بہاولنگر، رحیم یار خان ،لیہ ، فیصل آباد، ساہیوال، لاہور، گوجرانوالہ، گجرات، سیالکوٹ، مری، گلیات سمیت خطۂ پوٹھوہار میں آندھی جھکڑ چلنے اور گرج چمک کے ساتھ بارش کی توقع ہے۔

محکمہ موسمیات کا کہنا ہے کہ بالائی و جنوبی پنجاب میں بعض مقامات پر ژالہ باری بھی ہو سکتی ہے،بلوچستان کے بیشتر اضلاع میں  موسم جزوی ابر آلود  رہے گا۔  کوئٹہ، ژوب،بارکھان ،سبی ، چمن، پشین، نوشکی، نصیر آباد، قلعہ سیف اللہ، قلات، لسبیلہ، خضدار اور گردونواح میں تیز ہواؤں اور گرج چمک کے ساتھ بارش  کا امکان ہے۔

محکمہ موسمیات کا کہنا ہے کہ سندھ میں  سکھر ، خیرپور ، گھوٹکی، لاڑکانہ،میرپورخاص ، سانگھڑ ، تھرپارکر ، عمرکوٹ، کشمور، کراچی اور گردونواح  میں  آندھی جھکڑ چلنےاور گرج چمک کے ساتھ بارش کا امکان ہے،  صوبے کے دیگر اضلاع میں موسم خشک رہے گا۔

گلگت بلتستان اور  کشمیرمیں تیز ہواؤں آندھی  گرج چمک کے ساتھ بارش  کا امکان ہے، کشمیر میں چند مقامات پر ژالہ باری بھی ہو سکتی ہے۔