آج وزارت اعلیٰ کا آخری دن ہے، اب پی سی بی میں بھرپور کام شروع کروں گا، محسن نقوی

چئیرمین پی سی بی سید محسن رضا نقوی نے کہا ہے کہ ہمارے فٹنس کے مسائل ہیں، کوچز میں جلد بڑا بریک تھرو کریں گے،کرکٹ میں بہتری اور نئے ویژن کے تحت کام شروع ہوچکا،پی سی بی میں بہت کام ہونے والا ہے، انشاء اللہ آئند چند روز میں بھر پور کام شروع ہوگا۔

میڈیا سے بات کرتے ہوئے محسن نقوی نے کہا کہ پی سی بی میں سفارشی کلچر اور من پسند کی پالیسی نہیں چلے گی۔ مریم نواز سے میں نے اپنا تجربہ شئیر کیا، اور دعا گو ہوں کہ اللہ تعالیٰ انہیں ہمت دیں اور کامیاب کرے،آج بطور نگران وزیراعلی میرا آخری روز ہے،جس طرح صوبے کی خدمت کی، اس سے بڑھ چڑھ کر پی سی بی میں کام کرنے کی کوشش کرونگا۔

محسن نقوی نے کہا کہ پاکستان کرکٹ بورڈ سلیکشن ٹیم کو ہدایت دیدی،سلیکشن کرنی ہے مکمل کارکردگی دیکھ کر بغیر سفارش کے کام میرٹ پر ہوگا، 2025 کی چیمپئنز ٹرافی پاکستان کے نام کرنے کی مکمل کوشش کریں گے۔