پاکستان
9 مئی کے ذمہ داروں کو سزا نہ ملی تو سیاست دانوں کے گھروں پر حملےبھی قابل قبول ہو جائیں گے، جہانگیر ترین، نئی جماعت کا اعلان
![](https://urduchronicle.com/wp-content/uploads/2023/06/jehangir-tarin-party-1.jpg)
تحریک انصاف کے سابق رہنماجہانگیر ترین نے نئی سیاسی جماعت استحکام پاکستان پارٹی کا اعلان کرتے ہوئے کہا ہے کہ ملک اس وقت نازک دور سے گزر رہا ہے، قوم میں امید جگانے کے لیے نئی جماعت بنا رہے ہیں۔
ایک نجی ہوٹل میں منعقدہ پریس کانفرنس کے دوران نئی جماعت کا اعلان کرتے ہوئے جہانگیر ترین نے کہا کہ سیاست میں آنے کے بعد میرا ایک ہی مقصد رہا ہے اور وہ یہ کہ ملک کو فائدہ پہنچایا جائے۔ میں ایک روایتی سیاست دان نہیں تھا اور ملک کے لیے کچھ کرنے کا خواہش مند تھا۔ اس لیے میں تحریکِ انصاف کا حصہ بنا اور جماعت کو مضبوط بنانے کے لیے دن رات محنت کی۔
جہانگیر ترین نے کہا کہ آنے والے دنوں میں کچھ حقائق آپ کے سامنے آئیں گے کہ ہم نے جماعت کو مضبوط بنانے کے لیے کیا کیا۔معاملات ویسے نہ چل سکے جیسا ہم چاہتے تھے۔اگر ہم نو مئی کے منصوبہ سازوں کو کیفرِ کردار تک نہ پہنچایا تو سیاست دانوں کے گھروں پر حملہ بھی قابلِ قبول سمجھا جائے گا۔
جہانگیر ترین نے کہا کہ کہ کوئی بھی معاشرہ اس بات کی اجازت نہیں دے سکتا۔ گذشتہ چند سالوں میں ہماری معاشرت اور معیشت کو بہت نقصان پہنچا۔پاکستان کو مسائل کے دلدل سے نکالنے کے لیے کوشش کرنا چاہتے۔ پاکستان کو ایسی قیادت چاہیے جو قوم کو امید کا قومی بیانیہ دے، اس لیے ہم ایک نئی جماعت کا سنگِ میل رکھتے ہیں۔ہمارا جمہوری نظام اس وقت مضبوط ہو سکتا ہے جب حکومت اور اپوزیشن اپنے کردار کو سمجھیں۔
جہانگیر ترین نے کہا کہ آنے والے دنوں میں اپنا سیاسی ایجنڈا اور منشور سامنے لائیں گے۔ آنے والے الیکشن میں ہم بہتر سے بہترین کارکردگی دکھائیں گے۔ہمیں زراعت پر توجہ دینی ہے، آئی ٹی سیکٹر کو جدت دینی ہے، ان افراد کی دیکھ بھال کرنی ہے جن کی ریاست پر ذمہ داری ہے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی