‘الطاف حسین نے بھی حل صرف جماعت اسلامی کا نعرہ لگا دیا’

کراچی کے میئر کے الیکشن میں جماعت اسلامی کی حمایت میں الطاف حسین کی ٹویٹ پر دلچسپ تبصرے کئے جا رہے ہیں اور سوشل میڈیا صارفین یہ کہنے لگے ہیں کہ الطاف حسین نے بھی حل صرف جماعت اسلامی کا نعرہ لگادیا۔

ایم کیو ایم کے بانی لیڈر الطاف حسین نے ٹویٹر پر لکھا کہ  کراچی کے میئر کے انتخاب کیلئے پاکستان پیپلزپارٹی اپنے روایتی غیرآئینی وغیرقانونی اقدامات ، دہشت گردی وغنڈہ گردی اور منتخب بلدیاتی نمائندگان کی خریدوفروخت کے ہتھکنڈے استعمال کرنے سے باز رہے۔ جب پاکستان تحریک انصاف نے کراچی میں میئرکیلئے جماعت اسلامی کی حمایت کااعلان کردیا ہے تو پھر اس طرح بلدیاتی ایوان میں عددی اکثریت جماعت اسلامی کی ہوجاتی ہے لیکن اس اکثریت کو بدلنے کیلئے PPP کی سندھ حکومت دھونس دھمکی، لالچ اور خریدوفروخت کے ہتھکنڈے استعمال کرکے کراچی کے بلدیاتی ایوان پر بھی قبضہ کرنے کے شرمناک منصوبے بنارہی ہے۔

کراچی کے میئر کے انتخاب کیلئے پاکستان پیپلزپارٹی اپنے روایتی غیرآئینی وغیرقانونی اقدامات ، دہشت گردی وغنڈہ گردی اور منتخب بلدیاتی نمائندگان کی خریدوفروخت کے ہتھکنڈے استعمال کرنے سے باز رہے ۔
جب پاکستان تحریک انصاف نے کراچی میں میئرکیلئے جماعت اسلامی کی حمایت کااعلان کردیا ہے تو…

— Altaf Hussain (@AltafHussain_90) May 20, 2023

الطاف حسین نے کہا کہ پیپلزپارٹی کا یہ گھناؤنا عمل اس کی وڈیرانہ اورفاشسٹ ذہنیت کی کھلی عکاسی کررہا ہے۔پیپلزپارٹی کی سندھ حکومت نے پہلے ہی کراچی سمیت سندھ کے تمام شہری علاقوں کے سرکاری ونیم سرکاری اداروں پرسوفیصد قبضہ کررکھاہےاگر کراچی کے میئر اورڈپٹی میئر کے انتخابات میں پیپلزپارٹی کی حکومت نے ذرہ برابر بھی دھندلی کی تو اسے کراچی کے عوام کسی بھی صورت میں قبول نہیں کریں گے۔  مسلمہ جمہوری اصولوں کے تحت میئر اور ڈپٹی میئر کا حق ایوان میں اکثریت رکھنے والی جماعت کا ہی بنتا ہے لہٰذا پیپلزپارٹی کی حکومت اپنے شیطانی منصوبوں کے استعمال سے قطعی اور قطعی بازرہے۔

الطاف حسین کی اس ٹویٹ پر رشید عالم فاروقی نے لکھا کہ الطاف بھائی نے بھی بالآخر حل صرف جماعت اسلامی کا نعرہ لگاتے ہوئے مئیر کراچی حافظ نعیم کی حمایت کا اعلان کیا۔

الطاف بھائی نے بھی بالآخر حل صرف جماعت اسلامی کا نعرہ لگاتے ہوئے مئیر کراچی حافظ نعیم کی حمایت کا اعلان کیا

— Rasheed Alam Farooqi (@RasheedAlamFaro) May 20, 2023

ایم کیو ایم لندن کے رہنما عزیز مصطفیٰ آبادی نے الطاف حسین کی تعریف کرتے ہوئے لکھا کہ الطاف حسین کا یہ بیان اصول پرستی اور وضع داری کی اعلیٰ مثال ہے۔

کیونکہ میئر کے لیے کسی بھی پارٹی کے پاس مطلوبہ تعداد میں ممبر نہیں ہیں اس لیے اکثریتی پارٹی کو دعوت دینی چاہیے کہ 30 دن کے اندر اندر اپنی اکثریت ثابت کریں اگر پہلے نمبر والی پارٹی اکثریت ثابت نہ کر سکے تو پھر دوسرے نمبر والی پارٹی کو دعوت دی جاۓ اصول تو یہ ہے

— Ali Khan (@AliKhan20464370) May 21, 2023

ایک ٹویٹر صارف حماد جعفری نے لکھا کہ اب آپ جماعت اسلامی کی حمایت کر رہے ہیں؟ حیرت ہوئی۔

Now you are supporting JI??? Surprised 😮

— Hammad Jafri (@JafriHammad) May 20, 2023

کراچی سے تحریک انصاف کے ایک سپورٹر نے لکھا اگر آپ ٹھیک ہوتے تو ہمیں عمران خان کی ضرورت نہ ہوتی۔

bhai adaab…. agR aaj ap theek hoty to hamy @ImranKhanPTI ki zaRooRat nHh hoti… kaash aap hoty 🙏

— syed umar PTi 🇵🇰🇧🇫 (@imsRksyed) May 20, 2023

ایک صارف شوکت رسول نے سوال کیا کہ بھائی آپ کی پی ٹی آئی اور جماعت اسلامی سے نئی محبت ۔۔ وجہ کیا ہے۔

بھائی آپ کی PTI اور جماعت اسلامی سے یہ نئی محبت۔۔۔ آخر وجہ کیا ہے۔۔۔

— Shaukat Rasool (@ShaukatRasool) May 20, 2023

ایک صارف علی خان نے لکھا کہ میئر کے لیے کسی پارٹی کے پاس عددی اکثریت نہیں اس لیے زیادہ نشستوں والی جماعت کو ہی میئرشپ کی دعوت ملنی چاہئے۔

کیونکہ میئر کے لیے کسی بھی پارٹی کے پاس مطلوبہ تعداد میں ممبر نہیں ہیں اس لیے اکثریتی پارٹی کو دعوت دینی چاہیے کہ 30 دن کے اندر اندر اپنی اکثریت ثابت کریں اگر پہلے نمبر والی پارٹی اکثریت ثابت نہ کر سکے تو پھر دوسرے نمبر والی پارٹی کو دعوت دی جاۓ اصول تو یہ ہے

— Ali Khan (@AliKhan20464370) May 21, 2023

بہت سے صارفین نے الطاف حسین کو کراچی سے متعلق ٹویٹ پر طعنے بھی دیئے اور کہا کہ آپ کا کراچی سے کیا تعلق۔ آپ میئر لندن کی بات کریں۔ کچھ نے پاکستان آنے کے لیے کہا اور کچھ نے بدزبانی بھی کی۔