ایشیا کپ 2023: پاکستان کا دوسرے وینیوز پر کھیلنے سے انکار، پی سی بی ڈٹ گیا

چیئرمین پاکستان کرکٹ بورڈ مینجمنٹ کمیٹی نجم سیٹھی نے ایشن کرکٹ کونسل کے نمائندوں سے دوبئی میں ملاقات کی، پی سی بی کی جانب سے سخت مؤقف اپنایا گیا ہے کہ قومی ٹیم پاکستان کے علاوہ دوسرے وینیوز میں اپنے میچ نہیں کھیلے گی، پاکستان کرکٹ بورڈ کی جانب سے ایک بار پھر ہائبرڈ ماڈل پیش کیا گیا۔

پہلے بھارت اور اب سری لنکا اور بنگلہ دیش کی جانب سے بھی پی سی بی کے پیش کردہ ہائبرڈ ماڈل کو مسترد کر دیا گیا ہے، سری لنکا کرکٹ کے سیکرٹری موہن ڈے سلوا کا کہنا ہے کہ ستمبر میں یو اے ای میں بہت گرمی ہوتی ہے ، لہذا ایشا کپ کے میچ سری لنکا میں کروائے جائیں اور آفیشل میزبان پاکستان ہی رہے، لیکن پی سی بی نے صاف انکار کر دیا ہے۔

میڈیا رپورٹس کے مطابق پی سی بی کی جانب سے  یہ واضح پیغام دیا ہے کہ اگر بھارت پاکستان میں نہیں کھیلے گا تو پاکستان بھی بھارت میں ایونٹس نہ کھیلنے کا فیصلہ کرسکتا ہے، چاہے آئی سی سی ایونٹ ہو یا اے سی سی ایونٹ، چئیرمین پی سی بی نے یہ مؤقف اپنا یا ہے کہ ایشیاء کپ کی پاکستان سے منتقلی ہر گز قبول نہیں ہو گی