وزیراعظم اور اتحادی رہنماؤں کے رابطے، عدالتی فیصلے پر مشترکہ حکمت عملی پر غور

سپریم کورٹ سے عمران خان کی گرفتاری غیرقانونی دیئے جانے اور رہائی کے فیصلے کے بعد وزیراعظم اور حکمران اتحاد میں شامل جماعتوں کے درمیان رابطے ہوئے ہیں، ان رابطوں میں مستقبل کی حکمت عملی اور حکمران جماعتوں کی طرف سے سٹریٹ پاور کے اظہار پر مشاورت ہوئی۔

ذرائیع نے بتایا کہ وزیراعظم شہباز شریف سے مولانا فضل الرحمان نے ملاقات  کر کے  سپریم کورٹ میں عمران خان کے کیس سے متعلق مشاورت  کی۔ عمران خان کی گرفتاری کو غیر قانونی قرار دینے کے فیصلے پر دونوں رہنمائوں نے  تشویش کا اظہار کیا۔مولانا فضل الرحمان نے سپریم کورٹ کے فیصلے سے متعلق وزیراعظم کو اپنے سخت تحفظات سے آگاہ کیا۔

ذرائع نے بتایا کہ مولانا فضل الرحمان نے اپنی احتجاجی حکمت عملی سے متعلق وزیراعظم کو آگاہ کیا،وزیراعظم سے ملاقات کے بعد جے یو آئی کے سربارہ کی ہنگامی پریس کانفرنس بھی متوقع ہے۔

ذرائع نے بتایا کہ وزیراعظم کا دیگر اتحادی جماعتوں کے سربراہان سے بھی رابطہ ہوا ہے، ان رابطوں میں پی سپریم کورٹ کے فیصلے پر پی ڈی ایم کی مشترکہ احتجاجی حکمت عملی پر بات ہوئی۔