پاکستان
ماہی گیروں کو 12 جون سے سمندر میں نہ جانے کی ہدایت، 13 جون کو سندھ، مکران ساحل پر طوفانی بارش متوقع
![](https://urduchronicle.com/wp-content/uploads/2023/06/cyclone-biparjoy-1.jpg)
بحیرہ عرب میں سمندری طوفان بیپار جوئے کی شدت برقرارہے،طوفان کے گرد ہواوں کی رفتار 160کلومیٹرفی گھنٹہ تک بڑھ رہی ہیں،طوفان نے رخ تبدیل کردیا،کراچی سے فاصلہ 1120کلومیٹرہے،ماہی گیروں کو12جون سے کھلے سمندر میں جانے سے گریزکا مشورہ دے دیا گیا۔
محکمہ موسمیات کی جانب سے سمندری طوفان کے حوالے سے جاری 7ویں الرٹ کے مطابق مشرقی وسطی بحیرہ عرب میں سمندری طوفان بیپار جوئے اپنی شدت کے ساتھ برقرارہے، پچھلے 12گھنٹوں کے دوران سمندری طوفان نے اپنا رخ تبدیل کردیا، طوفان کے مرکز اوراردگرد 130سے150کلومیٹر کی ہوائیں چل رہی ہیں۔
طوفان کے قرب وجوار میں موجود ہواؤں کی رفتار 160کلومیٹرفی گھنٹہ تک تجاوزکررہی ہیں، طوفان کا فاصلہ کراچی سے بدستور 1120کلومیٹر کے لگ بھگ ہے، سطح سمندر کا 32ڈگری سینٹی گریڈ درجہ حرارت طوفان کی شدت کو بڑھانے کے لیے سازگارماحول فراہم کررہا ہے۔
محکمہ موسمیات کے مطابق عالمی سطح پرطوفان کی نگرانی کے دوران اوپری سطح کی ہواوں میں تبدیلی کے سبب غیریقینی صورتحال پیداہورہی ہے،کچھ موسمیاتی آلات طوفان کے سبب عمان اورپاکستان کے مغربی ساحل کو متاثر کرنے کے اشارے کررہے ہیں۔
کچھ موسمیاتی آلات بھارتی گجرات اورسندھ کی ساحلی پٹی پراس کےاثرات کی پیشگوئی کرتے دکھائی دیتے ہیں،ماہی گیروں کو مشورہ دیا جاتا ہے کہ وہ 12جون سے کھلے سمندرمیں جانے سےگریز کریں،طوفان کی وجہ سےبحیرہ عرب کے حالات ماہی گیری کے لیے انتہائی خراب ثابت ہوسکتے ہیں،اورساحل کے ساتھ اونچی لہریں آسکتی ہیں۔
محکمہ موسمیات کا مذید کہناہے کہ طوفان کے ممکنہ اثرات کے نتیجے میں سندھ،مکران کے ساحلوں پر13جون کی رات سے گرج چمک کےساتھ بارش متوقع ہے،دیگر اثرات کے نتیجے میں بلوچستان اورسندھ کے ساحلی مقامات پرتیزہوائیں بھی چل سکتی ہیں۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
تازہ ترین2 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے