بزنس
امریکی پابندیوں کے باوجود ایران کی تیل برآمدات 5 سال کی بلند ترین سطح پر پہنچ گئیں
![](https://urduchronicle.com/wp-content/uploads/2023/06/crude-oil-prices-1.jpg)
امریکا کی جانب سے عائد پابندیوں کے باوجود ایران کی خام تیل کی برآمدات پانچ سال کی بلند ترین سطح پر پہہنچ گئیں۔سابق صدر ڈونلڈ ٹرمپ نے 2015 کے معاہدے کو یکطرفہ ختم کرتے ہوئے 2018 میں ایران کے تیل کی برآمدات پر دوبارہ پابندیاں عائد کی تھیں۔
ٹرمپ کے پیشرو صدر بائیڈن ایران کے ساتھ جوہری پروگرا، قیدیوں کی رہائی اور دیگر امور پر مذاکرات کر رہے ہیں، ایران کے خام تیل کی برآمدات مئی کے دوران 1.5 ملین بیرل یومیہ سے تجاوز کر گئیں، یہ تخمینہ آئل ٹرالرز پر نظر رکھنے والی تنظیموں اور ایکسپورٹ کا حساب رکھنے والے اداروں نے مرتب کیا ہے، امریکا کی طرف سے دوبارہ پابندیوں کے نفاذ سے پہلے ایران کے خام تیل کی برآمدات 2.5 ملین بیرل یومیہ تک پہنچ چکی تھیں۔
پچھلے ماہ ایران کی تیل برآمدات 3 ملین بیرل یومیہ رہیں، جو گلوبل سپلائی کا تین فیصد بنتا ہے،اس کاروبار سے منسلک ذرائع کا کہنا ہے کہ ایران کی تیل کی پیداوار کی سطح اس ماہ بھی برقرار ہے۔
عالمی توانائی ایجنسی نے مئی میں ایران کی تیل پیداوار کا تخمینہ 2.87 ملین بیرل یومیہ لگایا۔ ایران کمی تیل برآمدات اوپیک پلس کی طرف سے پیداوار میں کمی کے اعلان کی وجہ سے بھی ہوا۔
ایس وی بی انٹرنیشنل کے مطابق ایران کی تیل پیداوار اور برآمدات دونوں میں اضافہ ہوا ہے اور خام تیل کی پیداوار 3.04 ملین بیرل یومیہ تک پہنچ چکی ہے، جنوری میں یہ پیداوار 2.66 ملین بیرل یومیہ تھی۔
تیل مارکیٹ کے ماہرین کہتے ہیں کہ ایران پر پابندیاں موجود ہیں لیکن ان کی نگرانی نہیں کی جا رہی، یہ تمام سپلائی ڈارک مارکیٹ میں ہو رہی ہے،جہاں شفافیت نہیں ہوتی، اسی لیے مارکیٹ ڈیٹا میں اس کا شمار بھی نہیں کیا جا سکتا۔
امریکی محکمہ خارجہ نے ترجمان نے کہا کہ پابندیاں برقرار ہیں اور ہم پابندیوں کی خلاف ورزی کی صورت میں ہم کارروائی سے گریز نہیں کرتے۔
امریکی محکمہ خزانہ نے ایران کی تیل برآمدات کے معاملے پر تبصرہ نہیں کیا۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی