دنیا
روس نے بیلاروس میں جوہری ہتھیاروں کی تعیناتی کی تصدیق کردی، یہ مغرب کے لیے پیغام ہے، صدر پیوٹن
![](https://urduchronicle.com/wp-content/uploads/2023/06/president-putin-1.jpg)
روس کے صدر ولادیمیر پیوٹن نے بیلاروس میں جوہری ہتھیار پہنچانے کی تصدیق کرتے ہوئے کہا ہے کہ بیلاروس میں جوہری ہتھیاروں کی تعیناتی مغرب کو یادہانی ہے کہ وہ روس کو سٹرٹیجک شکست نہیں دے سکتا۔
ماسکو میں اکنامک فورم سے خطاب کرتے ہوئے صدر پیوٹن نے کہا کہ روس کے جوہری ہتھیار بیلاروس کو پہنچائے جا چکے ہیں تاہم روس کو فوری طور پر جوہری ہتھیاروں کی تعیناتی کی ضرورت نہیں۔
صدر پیوٹن نے کہا کہ ہم اپنے اتحادی صدر لوکاشینکو کے ساتھ جوہری ہتھیاروں کی تعیناتی کے معاملے پر بات کر رہے تھے اور یہ ہتھیار بیلاروس پہنچائے جا چکے ہیں،بیلاروس کو جوہری ہتھیاروں کی پہلی کھیپ بھجوائی گئی ہے لیکن ان ہتھیاروں کی بیلاروس تعیناتی کا کام اس موسم گرما کے آخر تک مکمل ہوگا۔
ماسکو نے پہلی بار محدود رینج والے جوہری ہتھیار روس سے باہر تعینات کئے ہیں اور ان ہتھیاروں کی تعیناتی سے پہلے ماسکو امریکا اور یورپ کو بار بار خبردار بھی کرتا رہا۔
صدر پیوٹن نے کہا کہ جو روس کو سٹرٹیجک شکست دینے کا سوچ رہے ہیں یہ ہتھیار اور ان کی بیلاروس تعیناتی ایک پیغام ہے۔
بیلاروس کے صدر لوکا شینکو نے منگل کو اعلان کیا تھا کہ ان کے ملک کو روس سے جوہری ہتھیار مل گئے ہیں جو ہیروشیما اور ناگاساکی پر گرائے گئے جوہری بموں کی نسبت تین گنا زیادہ طاقتور ہیں۔
روس کے صدر نے مارچ میں کہا تھا کہ وہ بیلاروس میں ٹیکٹیکل جوہری ہتھیاروں کی تعنیاتی پر رضامند ہو گئے ہیں، صدر پیوٹن نے یہ اعلان کرتے ہوئے امریکا کی جانب سے یورپی ملکوں میں ہتھیاروں کی تعیناتی کا بھی ذکر کیا تھا۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی