بجلی فی یونٹ 1 روپے 60 پیسے مہنگی، نیپرا نے منظوری دے دی، اگلے ماہ سے وصولی

نیپرا نے بجلی1 روپے 60 پیسے فی یونٹ مہنگی کرنے کی منظوری دے دی۔

نیپرا نے اپریل کی ماہانہ فیول ایڈجسٹمنٹ پر سماعت کی، جس کے بعد بجلی کا یونٹ ایک روپے 60 پیسے مہنگا کرنے کی منظوری دی گئی۔

بجلی صارفین کو آئندہ ماہ کے بلوں میں اضافی ادائیگیاں کرنا ہوں گی،اضافے کااطلاق لائف لائن کے الیکڑک صارفین پر نہیں ہوگا،نیپرا اتھارٹی تفصیلی فیصلہ بعد میں جاری کرے گی۔

نیپرا حکام کا کہنا ہے کہ اپریل میں  پانی سے 10.23 فیصد اورکوئلے سے 16.06 فیصد کم بجلی پیدا کی گئی،درآمدی کوئلے سے 12.08فیصد اور مقامی کوئلے سے 3.98 فیصد کم بجلی پیدا کی گئی۔

میرٹ آرڈر کی خلاف ورزی سے 3 ارب 72 کروڑ 50 لاکھ روپے کا اضافی بوجھ پڑا۔