اوکاڑہ، ہیڈسلیمانکی کے قریب گھڑیال کی موجودگی ثابت،30 سال بعد گھڑیال کا مکمل خاندان دیکھا گیا

پاکستان میں معدومیت سے دوچار گھڑیال کی موجودگی کے مزید اشارے مل گئے،ترجمان ڈبلیو ڈبلیو ایف، پاکستان کا کہنا ہے کہ ایک سال قبل اوکاڑہ اورہیڈ سلیمانکی کے قریب گھڑیال کے بچوں سمیت خاندان کا مشاہدہ کیا جاچکا ہے۔

پاکستان میں انتہائی خطرے سے دوچار مگرمچھ نما گھڑیال کی ویڈیوسوشل میڈیا پروائرل ہوئی تھی،دریائی پانی میں پائے جانے والے گھڑیال کا مشاہدہ 30سال بعد کیا گیا۔

ترجمان ڈبلیو ڈبلیو ایف پاکستان کے مطابق جنگلی حیات پرکام کرنے والی ٹیم نے مشاہدوں کے تناظرمیں پنجاب کے مختلف علاقوں کا دورہ کیا،سروے کے دوران علاقے میں گھڑیال کی موجودگی کی تصدیق ہوئی،گھڑیال کی موجودگی کے علاوہ ان کے بچوں کو دیکھے جانے کا پتہ بھی چلا،

ڈبلیو ڈبلیو ایف پاکستان کا کہنا ہے کہ ان کا شراکت داروں کے ساتھ کوششوں کا مقصد دریافت ہونے والے گھڑیال کی آبادی کی بقا ہے۔ مقامی ماہی گیروں نے اس بات کی تصدیق کی کہ ایک سال قبل اوکاڑہ اورہیڈسیلمانکی میں بھی گھڑیالوں کو دیکھا گیا۔

ایک سال قبل کے واقعات کسی بھی جگہ رپورٹ نہیں ہوئے،ماضی کے اشارے حالیہ مشاہدات کی اہمیت کو مزید تقویت دیتے ہیں،یہ واقعات رینگنے والے جانوروں کی ممکنہ بقا کی نشاندہی کرتے ہیں۔

ڈبلیو ڈبلیوایف کے ترجمان کا کہنا ہے کہ ان کے ادارے کی اولین ترجیح ہے کہ مناسب پانی کے مقداراورمعیار کو یقینی بنایا جائے،یہ امر بھی ضروری ہے کہ گھڑیال کےمسکن کے تحفظ کو کسی بھی خطرے سے بچایا جاسکے۔