ٹاپ سٹوریز
امریکا کے ڈیفالٹ سے بچنے کی امید، صدر بائیڈن اور سپیکر میک کارتھی قرض کی حد2سال آگے بڑھانے پر متفق
![](https://urduchronicle.com/wp-content/uploads/2023/05/president-biden-speaker-mccarthy-1.jpeg)
امریکا کے ڈیفالٹ سے بچنے کی امید پیدا ہوگئی، وائٹ ہاؤس اور ری پبلکن پارٹی کے درمیان قرض کی حد کو دو سال کے لیے آگے بڑھانے اور حکومتی اخراجات کو بڑھانے کے معاہدے پر اصولی اتفاق ہو گیا، اس کی تصدیق امریکی کانگریس کے سپیکر کیون میک کارتھی نے کی ہے۔
معاہدہ پر اتفاق صدر بائیڈن اور میک کارتھی کے درمیان فون رابطے کے دوران ہوا، اب ان دونوں رہنماؤں کو اپنی جماعتوں کو قائل کرنے کا چیلنج درپیش ہے، ری پبلکن کو ہاؤس میں برتری حاصل ہے جبکہ ڈیموکریٹ سینیٹ میں اکثریت میں ہیں۔معاہدہ پانچ جون سے پہلے ہونا لازم ہے کیونکہ وزیر خزانہ کہہ چکی ہیں کہ اس کے بعد امریکی حکومت اپنے واجبات ادا کرنے کے قابل نہیں رہے گی۔
کیون میک کارتھی نے صحافیوں سے بات کرتے ہوئے کہا کہ ہفتوں کے مذاکرات کے بعد، ہم اصولی طور پر ایک معاہدے پر پہنچ گئے ہیں۔ ہمارے پاس ابھی بھی بہت سا کام باقی ہے لیکن مجھے یقین ہے کہ یہ اصولی طور پر ایک معاہدہ ہے جو امریکی عوام کے لائق ہے۔
صدر بائیڈن نے ایک بیان میں کہا کہ معاہدہ میری اور ڈیموکریٹس کی اہم ترجیحات اور قانون سازی کی کامیابیوں کا تحفظ کرتا ہے۔ معاہدہ ایک سمجھوتہ ہے ، سمجھوتے میں ہر کسی کو وہ نہیں ملتا جو وہ چاہتے ہیں۔ یہ حکمرانی کی ذمہ داری ہے۔
اگر معاہدہ کانگریس سے منظور ہو جاتا ہے تو امریکا ایک غیرمعمولی معاشی بحران سے بچ سکتا ہے،امریکی حکومت کبھی ڈیفالٹ نہیں ہوئی اور اس کا ڈیفالٹ ہونا غیرمعمولی ہوگا،اس ڈیفالٹ سے لاکھوں ملازمتوں کا نقصان ہو سکتا ہے، دنیا کساد بازاری کا شکار ہو سکتی ہے۔
دو سالہ معاہدہ 2024 کے انتخابات کے بعد تک قرض کی حد کو بڑھانے پر اگلی لڑائی کو بھی جنم دے گا۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی