بھارتی جنگی طیارہ دوران پرواز آبادی پر گر کر تباہ،2خواتین ہلاک

بھارتی فضائیہ کا مگ 21طیارہ راجستھان میں گر کر تباہ ہوگیا۔ بھارتی جنگی طیارے نے سورت گڑھ ایئربیس سے اڑان بھری تھی۔

طیارہ راجستھان کے علاقے ہنومان گڑھ میں آبادی پر گرا۔ ہنومان گڑھ کے علاقہ بہلول نگر میں ایک گھر پر گرا، گھر میں موجود2 خواتین موقع پر ہلاک ہوگئیں جبکہ ایک مرد زخمی ہوا۔طیارہ گرنے کے بعد ریسکیو آپریشن جاری ہے۔

#WATCH | Indian Air Force MiG-21 fighter aircraft crashed near Hanumangarh in Rajasthan. Two civilian women died and a man was injured in the incident, the pilot sustained minor injuries. pic.twitter.com/z4BZBsECVV

— ANI (@ANI) May 8, 2023

بھارتی فضائیہ نے مگ 21 طیارہ گرنے کی تصدیق ایک ٹویٹ کے ذریعے کی، جس میں کہا گیا کہ ایک مگ ۲۱ طیارہ سورت گڑھ کے قریب گر کر تباہ ہوا، طیارہ معمول کی تربیتی پرواز پر تھا، پائلٹ بحفاظت طیارے سے کود گیا اور اسے معمولی زخم آئے۔

بھارتی فضائیہ کے مطابق طیارہ گرنے کے واقعہ کی تحقیقات کے لیے انکوائری قائم کردی گئی ہے۔