کھیل
ورلڈ کپ میں قومی ٹیم کی شرکت، ہائی پروفائل کمیٹی کا اجلاس اگلے ہفتے متوقع
ورلڈ کپ کے لیے ہائی پروفائل کمیٹی کا اجلاس اگلے ہفتے متوقع ہے،اجلاس میں چئیرمین ذکاء اشرف کمیٹی کو بھارت میں ہونے والے ورلڈ کپ کے معاملات پر بریفنگ دیں گے۔
پی سی بی نے حکومتی اجازت کے لیے خط لکھا ، فیصلے کے لیے حکومت نے کمیٹی بنارکھی ہے۔ ذکا اشرف پاک بھارت میچز کے لیے مجوزہ کرکٹ اسٹیڈیم کے حوالے سے بھی اسٹیک ہولڈرز سے میٹنگ کریں گے۔
ذرائع کا کہنا ہے کہ ذکا اشرف نے قائمہ کمیٹی کے اجلاس میں بھی شرکت کرنا تھی جو ملتوی کیے جانے کی اطلاعات ہیں۔
وزیراعظم شہباز شریف نے پاکستان کرکٹ ٹیم کے ورلڈ کپ میں شرکت کرنے سے متعلق فیصلے کیلئے ہائی پروفائل کمیٹی تشکیل دی تھی، کمیٹی کی سربراہی وزیرخارجہ بلاول بھٹو کریں گے۔
کمیٹی ورلڈ کپ سے متعلق تمام امورپرسفارشارت مرتب کرکے وزیراعظم کو بھجوائے گی، کمیٹی کے ارکان میں وفاقی وزراء راناثناء اللہ، اعظم نذیرتارڑ، مریم اورنگزیب ، احسان مزاری، اسعد محمود اورامین الحق شامل ہیں۔قمرزمان کاٸرہ اور طارق فاطمی بھی کمیٹی کا حصہ ہیں۔