آرٹس کونسل آف پاکستان کراچی میں فزیکل تھیٹر ڈسپلے کا شاندار مظاہرہ

آرٹس کونسل آف پاکستان کراچی آڈیٹوریم میں فزیکل تھیٹرڈسپلے کا شاندارمظاہرہ پیش کیا گیا،جس میں امریکی قونصل خانہ کے پبلک افیئرز آفیسر لی میکمینس، صدر آرٹس کونسل محمد احمدشاہ، امریکی تھیٹر انسٹرکٹر ہینا گیف سمیت مختلف شخصیات نے شرکت کی.

فزیکل تھیٹر ڈسپلے میں آرٹس کونسل آف پاکستان کراچی کی تھیٹر اکیڈمی کے طلبہ نے حصہ لیا،فزیکل تھیٹر ڈسپلے میں مختلف کہانیوں اور رقص کو طلبہ نے مہارت کے ساتھ پیش کیا،جوکر اور کللاؤن جیسے مختلف کرداروں کا روپ دھارے طلبہ نے اپنے فن کا مظاہرہ کیا۔

فزیکل تھیٹر اداکاری کی وہ قسم ہے جس میں بغیر کسی اسکرپٹ کے صرف اشاروں اور جسمانی حرکات اور تاثرات کے ذریعے اداکاری کی جاتی ہے،فزیکل تھیٹر کی ٹریننگ امریکی فزیکل تھیٹر انسٹرکٹر ہینا گیف نے دی۔

ہینا گیف گزشتہ دو ماہ سے آرٹس کونسل آف پاکستان کراچی کی تھیٹر اکیڈمی کے طلباءکو اداکاری کی کلاسز دے رہی ہیں،فزیکل تھیٹر انسٹرکٹر ہینا گیف کی زبردست تربیت کو شرکاءنے بے حد داد دی۔

امریکی قونصل خانہ کے پبلک افیئر آفیسر لی میکمینس نے کہاکہ پاکستان میں بہت ٹیلنٹ ہے،ایسے تھیٹر اور گروپرامز کا انعقاد دونوں ممالک کی ثقافت اور لوگوں کو آپس میں جوڑنے اور روابط کو مضبوط کرنے میں اہم کردار ادا کرتے ہیں۔