ترکی میں صدارتی الیکشن کے رن آف مرحلے میں پولنگ مکمل

ترکی میں صدارتی الیکشن کے دوسرے مرحلے کے لیے پولنگ مکمل ہوگئی، ترکی میں پہلی بار صدر کا انتخاب رن آف مرحلے میں داخل ہوا ہے۔

14 مئی کو پہلے راؤنڈ کے مقابلے میں ووٹر ٹرن آؤٹ کم ہونے کی اطلاعات موصول ہوئیں، لیکن مجموعی شرح اب بھی 80 فیصد سے زیادہ رہنے کا امکان ہے۔

چند چھوٹی موٹی جھڑپوں اور انتخابی بے ضابطگی کی اکا دکا شکایات کے سوا ووٹنگ ملک بھر میں مجموعی طور پرپرسکون ماحول میں ہوئی۔

اپوزیشن رہنماؤں نے مبینہ انتخابی بے ضابطگیوں یا ووٹوں کی ہیر پھیر کے واقعات کے بارے میں کوئی باضابطہ بیان نہیں دیا۔

ٹرن آؤٹ کی نسبتاً کم شرح نے دونوں فریقوں کو اپنے حامیوں کو باہر لانے اور ووٹ ڈالنے کی ترغیب دینے  کی کوششوں پر مجبور کیا، کوئی بھی کیمپ یقین کے ساتھ فتح کی پیش گوئی نہیں کر سکتا۔

پولنگ بند ہونے کے بعد  گنتی شروع ہو گئی ہے اور اس عمل میں زیادہ وقت لگنے کا امکان نہیں۔

توقع ہے کہ سپریم الیکشن بورڈ مقامی وقت کے مطابق شام 6:30 بجے (15:30 GMT) کے قریب نتائج کی نشریات پر پابندی ہٹا دے گا کیونکہ ابتدائی نتائج آنا شروع ہو جائیں گے۔