پاکستان
رضوانہ تشدد کیس، سول جج کو شامل تفتیش کرنے کے لیے چیف جسٹس لاہور ہائیکورٹ کے اجازت طلب
گھریلو ملازمہ رضوانہ پر تشدد کی تحقیقات میں اہم پیش رفت ہوئی ہے، ذرائع کے مطابق سول جج کو شامل تفتیش کرنے کی اجازت لینے کے لیے ڈی آئی جی آپریشن کل لاہور جائیں گے۔
ڈی آئی جی آپریشنز چیف جسٹس لاہور ہائیکورٹ کورٹ سے ملاقات میں سول جج عاصم حفیظ کو شامل تفتیش کرنے کی دوبارہ استدعا کریں گے۔
ذرائع کے مطابق سول جج عاصم حفیظ کو شامل تفتیش کرنے کے لیے لاہور ہائیکورٹ سے تاحال اجازت موصول نہیں ہوئی۔سول جج کو شامل تفتیش کرنے کی اجازت لینے کے لیے ڈی آئی جی آپریشن کل لاہور جائیں گے۔
سول جج کو شامل تفتیش کرنے کے لیے سپیشل جے آئی ٹی پہلے ہی لاہور ہائیکورٹ کو خط لکھ چکی ہے، سول جج عاصم حفیظ لاہور ہائیکورٹ کے ماتحت اسلام آباد میں تعینات ہیں۔