پاکستان
عشرہ محرم کے دوران سندھ میں دفعہ 144 نافذ، ڈبل سواری پر پابندی
عشرہ محرم کے دوران سندھ بھر میں دفعہ 144 نافذ ، نو اور دس محرم کو موٹر سائیکل کی ڈبل سواری پر پابندی ہوگی، اس حوالے سے صوبائی محکمہ داخلہ کی جانب سےنوٹیفیکیشن جاری کردیا گیا ہے۔
نوٹیفکیشن کے تحت یکم محرم الحرام سے دس محرم تک صوبے بھر میں دفعہ 144 کے تحت بغیر اجازت جلوس اور ریلیوں پر پابندی عائد ہوگی جبکہ عاشور کے دو روز موٹر سائیکل کی ڈبل سواری پر پابندی ہوگی، محکمہ داخلہ کے مطابق عشرہ محرم کے دوران ڈرون اڑانے اور اسلحے کی نمائش پر بھی پابندی ہوگی۔