دنیا
جاپان کے وزیراعظم نے’ نامناسب رویئے‘ پر بیٹے کو سیاسی معاون کے عہدے سے برطرف کردیا
![جاپان کے وزیراعظم نے عوامی مقبولیت میں کمی اور مہنگائی پر استعفیٰ کا اعلان کردیا](https://urduchronicle.com/wp-content/uploads/2023/05/fumio-kishida-and-his-son-shotaro-1.jpg)
جاپان کے وزیراعظم فومیو کیشیدا نے نامناسب رویئے پر اپنے بیٹے شوتارو کیشیدا کو اپنے ایگزیکٹو سیکرٹری کے عہدے سے ہٹانے کا اعلان کیا ہے۔ جاپان کے وزیراعظم نے یہ اعلان پچھلے سال وزیراعظم ہاؤس میں ہونے والی ایک پارٹی پر بڑھتے ہوئے عوامی غم و غصے کے بعد کیا ہے۔
یہ معاملہ اس وقت سامنے آیا تھا جب تیس دسمبر کو ایک میگزین میں شوتارو کیشیدا کی تصاویر شائع ہوئیں، جن میں انہیں وزیراعظم ہاؤس میں دوستوں اور رشتہ داروں کے ساتھ پارٹی کرتے دکھایا گیا، اس پارٹی میں شوتارو کیشیدا اور دوست وزیراعظم ہاؤس کی ریڈکارپٹ سیڑھیوں پر اس طرح تصاویر بنوا رہے تھے جیسے نئی کابینہ تصاویر بنواتی ہے۔
کچھ تصاویر میں مہمانوں کو وزیراعظم کے ڈائس پر کھڑے دیکھا گیا جو پریس کانفرنس کے انداز میں تصاویر بنوا رہے تھے۔
وزیراعظم فومیو کیشیدا نے کہا کہ ایسا شخص جس کے پاس سیاسی معاون کا سرکاری عہدہ ہو، اس کا سرکاری مقام پر رویہ نامناسب تھا، اس لیے میں نے اس کے احتساب کا فیصلہ کیا ہے۔ وزیراعظم فومیو کیشیدا نے اپنے بیٹے کی جگہ تاکایوشی یاماموتو کو سیاسی معاون مقرر کرنے کا اعلان کیا۔
وزیراعظم فومیو کیشیدا نے کہا کہ انہوں نے اس تقریب پر اپنے بیٹے کی سخت سرزنش کی۔
وزیراعظم فومیو کیشیدا حزب اختلاف کی تنقید اور عوامی غم و غصے کو روکنے میں ناکام رہے، اس سکینڈل نے ان کی مقبولیت کو بھی کئی درجے نیچے گرادیا۔
اپوزیشن نے اس برطرفی کا خیرمقدم کیا لیکن کہا کہ یہ برطرفی بہت پہلے ہو جانی چاہئے تھی۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی