Urdu Chronicle

Urdu Chronicle

پاکستان

کراچی میں ڈکیتیاں کرنے والے افغان گروہ کے تین ارکان گرفتار

Published

on

کراچی کی جمشید کوارٹرز پولیس نے بین الصوبائی افغان گروہ کے 3 ڈکیت گرفتار کرلیے، افغان ڈکیت ملزمان کا گروہ 10 افراد پر مشتمل ہے،  جو کراچی سمیت سندھ کے مختلف اضلاع میں متعدد کارروائیوں میں ملوث ہیں۔

ایس پی جمشید کوارٹر علینہ راجپر نے پریس کانفرس میں بتایا کہ ڈکیتوں کے قبضے سے بڑی تعداد میں موبائل فون،5 لیپ ٹاپ اور اسلحہ برآمد کیا گیا ہے، ملزمان ڈکیتی کے علاوہ اسٹریٹ کرائم کی بھی متعدد وارداتیں کر چکے ہیں، گرفتار ملزمان نے شہر کے مختلف علاقوں میں 15 سے زائد موبائل شاپس پر وارداتوں کا اعتراف کیا ہے۔

پولیس کے مطابق ملزمان کراچی سے موبائل فون چھین کر دوسرے صوبوں میں فروخت کرتے تھے۔ملزمان زیادہ عرصہ ایک علاقے مین مقیم نہیں رہتے تھے۔

پولیس حکام کا کہنا ہے کہ ملزموں کے زیر استعمال کار کے حوالے سے تفصیلات اکھٹی کی جارہی ہیں،  جبکہ ملزمان جس جگہ رہتے تھے ان مکان مالک سے بھی تفتیش کی جارہی ہے۔

گرفتار ملزمان میں گینگ کے دو سرغنہ جان عزیز اور آدم گل اور انکا ساتھی سیلاب خان شامل ہیں۔۔گرفتار ملزمان کے دیگر ساتھیوں کی گرفتاری کے لیے چھاپے مارے جارہے ہیں۔

سید ذیشان احمد نے جامعہ کراچی سے گریجویشن کے بعد صحافتی کیریئر کا آغاز کیا، تقریباً دو دہائیاں اس شعبے کے لیے وقف کیں۔ کئی سالوں میں، انہوں نے سن ٹی وی، سی این بی سی پاکستان، ڈان نیوز، آج نیوز، بول نیوز، اور ابتک نیوز جیسے معزز میڈیا اداروں میں اپنی مہارت کا حصہ ڈالا۔ مزید برآں، انہوں نے سٹی 21 اور ٹیلن نیوز میں عہدوں پر کام کیا۔ ذیشان نے کراچی اور سندھ حکومت میں سیاسی سرگرمیوں سے لے کر ایوی ایشن اور صحت تک کے مسائل کی وسیع پیمانے پر رپورٹنگ کی۔ ایک تجربہ کار صحافی کے طور پر، انہوں نے 2010 کے سیلاب جیسے واقعات پر بصیرت انگیز کوریج فراہم کرتے ہوئے بین الاقوامی کانفرنسوں میں سرگرمی سے حصہ لیا۔ 2013 میں، ذیشان نے اپنی صحافتی سرگرمیوں کو بلوچستان تک بڑھایا، جس میں زلزلے، تھرپارکر میں قحط، اور کراچی میں ماضی کے دہشت گردی کے واقعات کی لائیو رپورٹنگ سمیت واقعات پر جامع خبریں پیش کیں۔

Continue Reading
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

مقبول ترین