پاکستان
آج سمندروں کا عالمی دن، خوراک، آکسیجن اور زندگی کے بڑے ذرائع کے تحفظ کی ضرورت
![](https://urduchronicle.com/wp-content/uploads/2023/06/arabean-sea-1.jpg)
آج(8 جون) سمندروں کا عالمی دن منایا جارہاہے،مقصد درپیش چینلجز اورتحفظ کے حوالے سے شعوراجاگرکرنا ہے۔
دنیا بھر کے طول وعرض میں پھیلے سمندر انسانی زندگی کے لیے لازم وملزوم ہیں،تاحد نگاہ پھیلے یہ نیلے سمندر زمانہ قدیم سے انسانی خوراک اورتجارت کے علاوہ چالیس فیصد تازہ پانی کے حصول کا بھی ذریعہ ہیں۔
بدقسمتی سے انسانی ہاتھوں کی وجہ سےاس کے فطری حسن کو گہن لگ رہا ہے،یومیہ ہزاروں ٹن کوڑاکرکٹ اوربحری جہازوں سے تیل کے رساو کے سبب نہ صرف آبی حیات پرزندگی تنگ ہوجاتی ہے،بلکہ ان عوامل کے اثرات انسانی زندگیوں پربھی نمودارہوناشروع جاتے ہیں۔
تیکنیکی مشیر سندھ ڈبلیوڈبلیوایف پاکستان معظم علی خان کے مطابق بحری جہازوں اورلانچوں سے بہنے والا گندا تیل اوربغیرٹریٹمنٹ کے فیکٹریوں سے سمندر میں شامل ہونے والا صنعتی فضلہ سمندری آلودگی کی بڑی وجہ ہے، اس فضلے میں پلاسٹک بیگز سب سےزیادہ آبی حیات کو نقصان پہنچاتے ہیں۔
معظم علی خان نے مزید کہا کہ بارش،بادل اورہواؤں کے چلنے میں سمندرکلیدی کردارکے حامل ہیں جبکہ نمک اورسب سے بڑھ کرمچھلی،جھینگے اوردیگراقسام کے آبی حیات انسانی خوراک کالازمی جزوہے۔
ماہرین کےمطابق پاکستان کا ساحل سمندر1050کلومیٹرطویل ہے،جس کے دامن میں لگ بھگ 40 لاکھ افراد ماہی گیری کے پیشے سے وابستہ ہیں،ماضی کے خطرات کے ساتھ اب سطح سمندرکا بڑھتا ہوا درجہ حرارت ایک اوربڑے خطرے کی صورت میں سراٹھارہا ہے،سمندر 75 فیصد آکسیجن بھی پیداکرتے ہیں۔
سمندر حیات انسانی کے لیے انتہائی ضروری ہے،مگربدقسمتی سے پانی کا یہ ذخیرہ ان دیکھے اورخاموش تباہی کی جانب بڑھ رہا ہے، ساحلوں کی دیکھ بھال،مضر صحت اشیا جبکہ کیمیائی کھادوں اوردیگرمضرچیزوں کو سمندربرد کرنے سے گریز کرنا انتہائی ضروری ہو چکا ہے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی