کل پاک نیوزی لینڈ پہلا ٹی 20 میچ راولپنڈی میں کھیلا جائے گا، ٹرافی کی رونمائی

ہوم گراؤنڈ پر پاکستان کی جیت کیلیے شاہینوں نے تیاریوں کو حتمی شکل دے دی،پاکستان اور نیوزی لینڈ پانچ میچز کی سیریز کے پہلے  ٹی ٹونٹی میں کل قسمت آزمائیں گے،پنڈی  سٹیڈیم میں ٹرافی کی تقریب رونمائی کر دی گئی۔

کل راولپنڈی کرکٹ اسٹیڈیم میں دونوں ٹیموں کے درمیان پہلا ٹی ٹوئنٹی میچ کھیلا جائے گا، دونوں  ٹیمیں کل شام  سات بجے  پنڈی سٹیڈیم میں ایکشن دکھائیں گی۔

میچ سے قبل  چمچماتی  ٹرافی سے پردہ  بھی اٹھا دیا گیا۔ دونوں کپتانوں کا ٹرافی کے ہمراہ فوٹو شوٹ بھی ہوا۔

پریس کانفرنس میں بابر اعظم کا کہنا تھا کہ اس سیریز میں مختلف تجربات کریں گے،کوشش ہوگی کہ نوجوان کھلاڑیوں کو موقع دیں، ورلڈ کپ کے لیےاچھی ٹیم لیکر جائیں گے،ہماری بیٹنگ مضبوط ہونے جارہی ہے۔

کیوی کپتان بریس ویل نے پاکستان کو مشکل حریف قرار دیا اور کہا کہ اچھی پرفارمنس دکھانے کی کوشش کریں گے۔

محمد عامر اور عماد وسیم کے واپس آنے کے بعد قومی سکواڈ کا مورال بلند ہے۔

،پانچ ٹی ٹونٹی میچز کی سیریز کے پہلے تین میچز راولپنڈی جبکہ آخری دو میچز لاہور میں کھیلے جائیں گے۔