عمران خان کون ہے جو یہ بتائے کہ فیض حمید کا اوپن ٹرائل ہونا چاہئے، سکیورٹی ذرائع کا ردعمل

با خبر سکیورٹی ذرائع نے فیض حمید سے متعلق عمران خان کے بیان پر ردعمل دیا ہے اور کہا ہے کہ عمران خان ہوتا کون ہے یہ بتانے والا کہ فیض حمید کا ٹرائل اوپن کورٹ میں ہوگا یا نہیں؟ اگر  عمران خان کا اس معاملے میں ٹرائل ہوا تو تسلی رکھیں اوپن ہی ہو گا۔

سکیورٹی ذرائع نے کہا کہ ساری دنیا کو پتہ چلے گا کہ عمران خان کیا کرتا اور کرواتا رہا ہے۔

واضح رہے کہ عمران خان نے آج اڈیالہ جیل میں میڈیا سے بات کرتے ہوئے کہا تھا کہ جنرل فیض کا اوپن ٹرائل کیا جائے، اوپن ٹرائل سے رجیم چینج اور 9 مئی سازش بے نقاب ہوگی، نو مئی نیشنل سیکیورٹی نہیں بلکہ لوکل معاملہ ہے، ملک کی سب سے جماعت کے سربراہ اور سابق وزیر اعظم کے اغواء کا معاملہ ہے، اگر میں نےبغاوت کی ہے تو میرا بھی اوپن ٹرائل کریں، یہ کونسی جمہوریت ہوگی کہ سابق وزیراعظم کا ٹرائل ملٹری کورٹ میں کیا جائے۔قاضی فائز جانے والا ہے تو اب جنرل فیض کا ڈرامہ رچا دیا گیا۔