آئی پی ایل میں دھونی کی بیٹنگ کے دوران کان پھاڑ دینے والا شور، ڈی کاک کی اہلیہ نے تصویر شیئر کردی

جب ایم ایس دھونی ایل ایس جی بمقابلہ سی ایس کے میچ کے دوران بلے بازی کے لیے آئے تو لکھنؤ کا ایکنا اسٹیڈیم تماشائیوں کے نعروں اور شور سے گونج رہا تھا، کوئنٹن ڈی کاک کی اہلیہ، ساشا نے انسٹاگرام سٹوری کے ذریعے  اب اس آواز کی سطح کا انکشاف کیا ہے جو 19 اپریل، جمعہ کو دھونی کے آنے کے بعد اسٹیڈیم میں تھا۔ دھونی نے سی ایس کے کو 176 تک پہنچانے کے لئے اس دن ایک عمدہ اننگز کھیلی۔

ساشا نے اپنی انسٹاگرام اسٹوری پر ایک تصویر شیئر کی جس میں بتایا گیا کہ آواز کی سطح 95 ڈیسیبل کو چھو چکی ہے جیسا کہ اس کی سمارٹ گھڑی پر دکھایا گیا۔ تاہم، اس کے بعد آنے والا پیغام تھا جس نے سب کی نظریں اپنی طرف کھینچ لیں۔ سمارٹ واچ نے انکشاف کیا کہ صرف 10 منٹ تک اس سطح کا شور سماعت کے لیے عارضی طور پر نقصان کا باعث بن سکتا ہے۔

“آواز کی سطح 95 ڈیسیبل تک پہنچ چکی ہے۔ اس سطح پر صرف 10 منٹ کا شور سماعت کے لیے عارضی نقصان کا باعث بن سکتا ہے” ساشا ڈی کاک کی اسمارٹ واچ پر لکھا ہوا نوٹ۔

دھونی نے ایکنا اسٹیڈیم میں ایک اور طوفانی اننگز ساتھ ہجوم کو خوب محظوظ کیا۔ دھونی 17.5 اوور میں 6 وکٹ پر 141 رن پر بلے بازی کرنے آئے تھے۔ دھونی نے صرف 9 گیندوں پر 28 رنز بنائے اور تماشائیوں کے ہجوم کو جوش سے بھردیا اور CSK کو  اننگز میں 176 تک پہنچایا۔